Naanayas ti umuna nga aldaw ti klase kadagiti para iti publiko a pagadalan iti entero a pagilian babaen ti napinget a panagbantay ti nadumaduma nga ahensia, kinuna ni Sekretario ti Department of Education (DepEd) Sonny Angara idi Lunes, Hunio 16.
Nasurok a 27 a milion nga estudiante ti manamnama nga agsubli kadagiti 48,000 a para iti publiko nga eskuela ken 12,000 a pribado a pagadalan iti pagilian.
Segun ken ni Angara, nakaturong ti atension dagiti amin nga ahensia ti gobierno kadagiti pagadalan ken estudiante iti panaglukat ti klase.
Nagyaman ni Angara kadagiti ahensia a kas Department of the Interior and Local Government (DILG), Department of Health (DOH), Department of Information and Communication Technology (DICT), Department of Energy (DOE), Department of Trade and Industry (DTI), Department of Social Welfare and Develpment (DSWD); Department of Public Works and Highways (DPWH); National Disaster Risk and Reduction Management Council (NDRRMC), PAGASA, Meralco, Metropolitan Waterworks and Sewerage System (MWSS), ken Philippine National Police (PNP).
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Impakaammo ni PNP Chief Gen. Nicolas Torre III kadagiti estudiante ken nagannak a mabalinda ti dumawat ti tulong babaen ti 911 para kadagiti insidente ti panang-bully, uray iti ruar ti pagadalan.
Naibaon ti 27,000 a polis iti entero a pagilian, idinto a 5,000 a police assistance desk ti naisaad para iti panaglukat ti klase. (Stephanie Sevillano/PNA//Lito Hilidon/Bannawag)
