Impatungpal ti Department of Education (DepEd) ti San Fernando City, La Union ti no backpack and school bag policy kas maitunos kadagiti addang a mangitandudo iti kinatalged ken mangsuportar iti epektibo a learning conditions kadagiti publiko a pagadalan.
Impaulog itay nabiit ni Schools Division Superintendent Shiela Marie Primicias ti Division Memorandum No 206, Series of 2025, a mangipatungpal iti pangngeddeng iti babaen ti programa a Bantay Paaralan Ligtas Kabataan.
Segun iti memorandum, saan a mapalubosan dagiti estudiante nga agusar wenno mangitugot kadagiti backpack iti iseserrekda iti arubayan ti pagadalan.
Kinuna ni Primicias a naibatay daytoy iti rason a saanen a maituding ti homework ken maibatin iti uneg dagiti siled-pagadalan dagiti textbook ken dadduma pay a materiales a pangisuro.
Farm specialist iti Abra, napaltogan
Ti addang ket agpaay pay para iti kinatalged dagiti estudiante.
Kinuna ni Primicias a dagiti backpack ken bag ket mabalin a pakailemmengan kadagiti maiparit a banag kas iti vape, sigarilio, ken makapatay nga armas a mangigapu iti potensial a peggad iti kinatalged ken seguridad ti komunidad ti pagadalan.
Maidardarirag kadagiti estudiante nga agusarda iti bassit a pouch bag. (Liezle Basa Iñigo/MB)
