Nakompiskar ti Northern Luzon Naval Command (NLNC) ken ti Philippine Drug Enforcement Agency (PDEA) ti agarup 1.5 a tonelada ti mapapati a methamphetamine hydrochloride wenno shabu iti baybay ti Zambales idi 1:30 AM ti Biernes, Hunio 20.
Iti inisial a waragawag manipud iti Philippine Navy (PN), kinunana a mapattapatta ng agbalor (street value) iti ₱10 a bilion dagiti nakompiskar a narkotiko.
Kinuna ti Navy a naipanen ti nakompiskar a mapapati a shabu iti Naval Operating Base - Subic para iti dokumentasion ken turnover kadagiti umisu nga autoridad.
"Daytoy ti maysa kadagiti kadakkelan nga illegal drug apprehensions iti pakasaritaan ti PN a kas panangsuportar iti kampania ti gobierno nasional kontra kadagiti maiparit a substansia," kinuna pay ti Navy. (Priam Nepomuceno/PNA)
