Insayangkat dagiti air unit ti Philippine Army (PA) ti maritime air patrol (MARPAT) iti baybay ti Central Visayas kas paset ti panangpasingked iti pannakaammoda iti maritime domain iti rehion.
Segun iti panakangiwat ti PA a ni Col. Louie Dema-ala, dagiti kameng ti Special Mission Aviation Company ti Army Aviation Regiment ti nangiwayat iti MARPAT idi Huebes, Hunio 19.
Nagusarda iti Cessna 172 nga eroplano a nagpatrulia iti lugar a sakup ti Northern Bohol, abagatan a baybay ti Maasin City, Surigao Strait, Leyte Gulf, ken iti lauden a taaw ti Baybay City, Leyte.
Dinayaw dagiti daulo ti PA dagiti kameng ti Aviation Regiment a nangisayangkat iti MARPAT mission a maibatay iti Land Defense Concept ti PA ken maitunos iti Comprehensive Archipelagic Defense Concept ti Department of National Defense. (Priam Nepomuceno/PNA//Lito Hilidon/Bannawag)
