Inwaragawag ti Office of the Vice President (OVP) ita nga aldaw, Hunio 20, a pimmanaw ni Bise Presidente Sara Duterte iti pagilian tapno dar-ayanna ti pro-Duterte rally a maangay iti Melbourne, Australia.
Naikeddeng a dar-ayan ni Duterte ti rali a “Free Duterte Now” kas panangsuportar iti amana a ni dati a presidente Rodrigo Duterte, iti Melbourne, inton Hunio 22.
Idi napan a lawas, napan iti Kuala Lumpur, Malaysia ni Duterte bayat a narambakan ti Philippine Independence Day.
Nupay kinuna ti Malakanyang nga awan ti ania man a linteg a nalabsing ni Duterte gapu iti personal a panagbibiahena iti las-ud it makabulan, mabalin a lablabsingenna ti karbenganna kadagiti umili.
Pannakaipaay iti bayad ti insurance kadagiti naaksidente iti Isabela, papardasen ti LTFRB
Segun iti Malakanyang, namimpaten a nagbiahe ti bise presidente iti abroad, kadagiti pagialian a The Netherlands, Qatar, Kuala Lumpur, ken Australia, iti las-ud ti dandani makabulan. (Betheena Unite/Manila Bulletin//Lito Hilidon/Bannawag)
