Inkari ni Presidente Ferdinand R. Marcos Jr. nga itultuloyna a salakniban ti teritorio ti Filipinas, a kunana a dina ipalubos ti ania man a ganggannaet a bileg a mangagaw iti “uray maysa la a pulgada” a sakup ti pagilian.
Iti kaudian nga episode ti podcast-na ita a Sabado, Hunio 21, pinasingkedan manen ni Marcos ti panagkumit ti administrasionna a mangipatalged iti sovereign rights ti pagilian iti West Philippine Sea (WPS).
"Saantayo a sumuko. Agtultuloy a salaknibantayo ti kinasoberano ti Republika. Agtultuloytayo a mangdepensa iti teritorio ti Republika. Ken agtultuloy a salakniban ken depensaantayo dagiti umili ti Republika," kinunana.
“Ilabantayo a talaga namin dayta ta no itedmo, a kas kunada, ikkam ida iti maysa a pulgada, alaenda ti maysa a milia. Ngarud, saanmo a mabalin nga ipalubos uray maysa laeng a pulgada.”
Kasapulan ti natibker ken nainkalintegan a pagtaktakderan iti parikut iti WPS --NMC
Inyunay-unay ni Marcos a nupay dina kayat ti riribuk iti asino man a ganggannaet nga agbasakbasak iti teritorio ti Filipinas, dina ipalubos a riribukenda dagiti padana a Filipino, partikular dagiti mangngalap.
Tapno masalakniban dagiti marine resouurces ti pagilian, pinirmaan ni Marcos idi Nobiembre 8, 2024 ti Republic Act 12064 wenno ti Philippine Maritime Zones Act, ken ti Republic Act 12065 wenno ti Philippine Archipelagic Sea Lanes Act. (Ruth Abbey Gita-Carlos/PNA)
