Isagsaganan ti Department of Migrant Workers (DMW) ti repatriation flight para iti 26 nga overseas Filipino workers (OFW) manipud Israel ta ad-adda nga igangganetget ti gobierno ti mangipaay iti assistance iti baet ti umad-adu a bilang dagiti Filipino nga agkalikagum nga agawid iti Filipinas.
Agpada nga agsagsagana ti DMW ken Department of Foreign Affairs (DFA) para iti mabalin nga ikakaro pay dagiti pasamak iti Israel ken Middle East aglalo ta nakikadua ti Estados Unidos iti Israel iti pannakigubatna iti Iran. Binomba dagiti nabileg nga eroplano ti US a B-2 stealth bombers ti tallo a lugar a yan dagiti pasilidad a nuklear ti Iran idi Domingo, Hunio 22.
Kabayatanna, kinuna ni DFA Assistant Secretary Robert Ferrer iti Office of Migrant Affairs idi Hunio 22 nga awan pay ti report no adda naapektaran a Filipino iti panangatake ti US iti Iran.
Kadagiti 1,180 a Filipino iti Iran, siam laeng ti nangipasimudaag iti panggepda nga agawid kalpasan nga inyetnag ti gobierno ti Filipinas ti alert level 3 iti Iran ken iti Israel.
Kasapulan ti natibker ken nainkalintegan a pagtaktakderan iti parikut iti WPS --NMC
Segun ken ni Ferrer, kaaduan kadagiti adda iti Iran ket Filipina a nakaasawa kadagiti Iranian national isu a saandan a basta a makapanaw. (MANILA BULLETIN)
