Inarestar dagiti polis ti maysa a 39-anios a babai iti Siudad ti Tuguegarao idi malem ti Sabado, Hunio 21, gapu iti mapapati a panag-blackmail ken panag-extort-na iti maysa a lalaki babaen ti panagusar iti naalas a retrato ken video.
Binigbig ti Regional Anti-Cybercrime Unit 2 (RACU-2) ti suspek a ni "Yana."
Maidarum ni Yana iti kaso a panaglabsing iti Article 294 (Robbery with Intimidation against Persons) ti Revised Penal Code ken Republic Act No. 9995 (Anti-Photo and Video Voyeurism Act of 2009) mainaig iti Section 6 ti RA No. 10175 (Cybercrime Prevention Act of 2012).
Dinayaw ni PGen. Bernard R. Yang, hepe ti PNP Anti-Cybercrime Group, ti RACU-2 iti naballigi nga operasion nga insayangkatda. (Liezle Basa Iñigo/MB)
Lokal
