Sibibiag a nairuar ti dua kadagiti lima nga small scale miner a napupok iti usok a pagminminasanda iti Barangay Runruno, Quezon, Nueva Vizcaya, bayat ti retrieval and rescue operation a naiwayat sipud idi kalman, Hunio 24.
Segun ken ni SFO1 Analyn Mallari, commander ti Incident Command Center, naispal da Alfred D. Bilibli ken Joval Bantiyan, nga agpada a taga-Maddela, Quirino.
Agtultuloy ti panangisayangkat iti retrieval and rescue operation dagiti kameng ti Bureau of Fire Protection (BFP), Philippine National Police (PNP), Municipal Disaster Risk Reduction Management Office (MDRRMCO), ken FCF Minerals Corporation kadagiti tallo pay a minero a napupok iti usok nga aguneg iti 300 agingga iti 400 a metro.
Binigbig ti PNP dagiti tallo pay a nabati a minero a da Daniel Segundo Paggana, 47; Lipihon B. Ayudan, 56; ken Florencio Indopia, 63, nga agpapada a taga-Runruno.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
Segun iti PNP, saanen a nakaruar dagiti lima a minero a simrek iti usok idi kalman ti parbangon gapu iti panagkurang nga angin a nakagapu iti pannakaawan ti puotda, isu a nangisayangkat iti retrieval and rescue operation dagiti autoridad apaman a naawatda ti report. (BME/PIA NVizcaya//Lito Hilidon/Bannawag)
