Isayangkat ti Philippine Army (PA) ken ti United States Army Pacific (USARPAC) ti coordinated deep attack exercise iti Siudad ti Palayan, Nueva Ecija inton Hunio 30.
Maiparang iti live fire exercise ti Operation Lightning Strike ti panagusar iti dua a High Mobility Artillery Rocket System (HIMARS), a precision rocket launcher.
Usaren ti dua a puersa ti uppat nga AH-64 Apache attack helicopter bayat ti panagsanayda.
Segun ken ni panakangiwat ti PA Colonel Louie Dema-ala, paset daytoy a panagsanay ti PH-US SABAK 25 a nairanta a mangipakita iti kabaelan ti PA, panagtinnulong, ken panagkumitda iti kinatalged iti rehion.
Kasapulan ti natibker ken nainkalintegan a pagtaktakderan iti parikut iti WPS --NMC
Idi Marso, inwayat ti PA ken USARPAC ti Exercise SABAK a pinagtipon nga “Exercise Salaknib” ti PA ken “Exercise Balikatan,” ti tinawen a panagsanay dagiti kameng ti Armed Forces of the Philippines (AFP) ken US Armed Forces.
Daytoyen ti maikadua a paset ti Salaknib Exercise, ti tinawen a panagsanay nga idadauluan ti PA ken isponsoran ti USARPAC manipud Mayo 12 agingga iti Hulio 20.
Maar-aramid dagiti panagsanay iti Fort Bonifacio, Taguig City, ken iti sakupen ti 5th Infantry Division (5ID) iti Northern Luzon ken ti 7th Infantry Division (5ID) iti Central Luzon. (Martin Sadongdong/Manila Bulletin//Lito Hilidon/Bannawag)
