Saankayon nga agsapul kadagiti polis iti police station, addadan iti selponyo, imbalakad ni Gen. Nicolas Torre III iti publiko idi sinublatna ti mangidaulo iti Philippine National Police (PNP).
Pudno, gapu ta malaksid iti emergency 911 hotline, sinigurado met ti Communications and Electronics Services (CES) ti PNP a ti police visibility ket adda iti smart phone ti tunggal umili babaen ti PNP Services app.
Segun ken ni Brig. Gen. Jean Fajardo, spokesperson ti PNP, maysa a kasla one-stop mobile app ti PNP Services app a mabalin a pagsapulan dagiti tattao iti tulong ken pakaaksesan kadagiti serbisio dagiti nadumaduma a yunit ti polis.
“Makita ditoy dagiti official website, dagiti social media account dagiti PNP unit-tayo. Naiipan met ditoy ti 911, ken no kasano nga usaren ti mekanismo ti 911. Uray ti ‘e-sumbong’ ket adda. Isu nga ania man nga app dagiti frontline service-tayo ti PNP, adda ditoy,” kinuna ni Fajardo.
Kasapulan ti natibker ken nainkalintegan a pagtaktakderan iti parikut iti WPS --NMC
Nupay kasta, iti agdama, para laeng pay kadagiti agus-usar iti Android ti app.
Kinuna ni Fajardo a panggep ti PNP nga iraman ti app iti eGov app ti gobierno nasional. (Aaron Recuenco/MANILA BULLETIN)
