Napuntaan ti maysa a kalsada iti Central Gaza iti panangraut ti Israel idi Hunio 26, a paguummongan dagiti tao a mangal-ala kadagiti sako ti arina manipud iti polis ti Palestine a nangsamsam kadagit taraon manipud kadagiti gunglo a mangtaktakaw kadagiti aid convoy.
Segun kadagiti opisial ti ospital, 18 ti nairaman a natay.
Daytoy ti kaudian a panangranggas mainaig iti pannakaibunong dagiti taraon kadagiti umili iti Gaza kalpasan ti nasurok a dua a bulan a pannakalapped dagiti taraon.
Rauten dagiti armado a grupo dagiti trak a binaon ti United Nations a mangibunong kadagiti taraon ken dagiti desperado a tao nga mangibabbaba kadagiti ayuda manipud iti komboy.
Kasapulan ti natibker ken nainkalintegan a pagtaktakderan iti parikut iti WPS --NMC
Segun iti joint statement da Israel Prime Minister Benjamin Netanyahu ken Defense Minister Israel Katz, inakusaranda ti Hamas nga agtaktakaw iti ayuda a sumrek iti amianan a Gaza ken kiniddawda ti militar ti Israel a lapdanda daytoy.
Ngem binabalaw ti National Gathering ti sinao da Netanyahu ken Katz, ket inkalinteganda nga us-usaren laeng ti Israel dagiti pammabasol a panagtakaw iti ayuda tapno maikalintegan ti Israel ti kinadawelna.
Iti las-ud ti 20 a bulan a gubat, indauluan ti United Nations ti dakkel nga operasion nga insayangkat dagiti humanitarian group a mangted iti taraon, pagdagusan, agas, ken dadduma pay a banag kadagiti Palestino uray iti tengnga ti rinnupak. Segun iti UN ken dagiti humanitarian group, no umdas dagiti suplay a sumrek iti Gaza, bumassit ti insidente ti panangsamsam ken panagtakaw. (Associated Press/Manila Bulletin//Lito Hilidon/Bannawag)
