Anamongan ni House Speaker Martin Romualdez ti kiddaw a mailukat iti publiko ti panangbista ti Bicameral Conference Committee (bicam) iti nailian a badiet, babaen ti video livestreaming.
Kinuna ni Romualdez ita nga aldaw, Hunio 27, a suportaranna ti panggep a pannakailukat ti hearing ti bicam iti publiko tapno maisubli ti panagtalek dagiti umili ken masigurado a ti national budget ket pakakitaan iti pagayatan ken pagimbagan dagiti umili.
Ti bicam ti maudi a paset a pagdalanan ti singasing a nailian a badiet tapno mapagtutunos ti naggidiat a bersion ti Kamara ken Senado, ngem maaramid daytoy iti executive session wenno maiserra iti publiko.
Kinuna ni Romualdez a ti pannakaipabuya iti bicam conference babaen ti livestreaming tapno mabuya ti publiko ken dagiti maseknan, ket maitunos iti gandat ti Kamara a mangsalaknib iti pondo ti publiko.
Kasapulan ti natibker ken nainkalintegan a pagtaktakderan iti parikut iti WPS --NMC
Inawis ni Romualdez dagiti kameng ti civil society organizations, academic institutions, media, ken amin a maseknan a Filipino nga aktibo a mangbantay iti panagsasarita iti bicam. (Ellson Quismorio/Manila Bulletin//Lito Hilidon/Bannawag)
