Impetteng ti Malakanyang a saanda a makikooperar iti International Criminal Court (ICC) uray tulongan ti Department of Justice (DOJ) dagiti saksi iti panangbista ti ICC iti kaso ni dati a presidente Rodrigo Duterte a crimes against humanity.
Daytoy ti inlawlawag ni Undersecretary ti Presidential Communications Office (PCO) Claire Castro iti maysa a press briefing ita nga aldaw, Hunio 27.
Segun ken ni Castro, tulongan ti DOJ dagiti saksi nga agtestigo tapno maikkan iti hustisia dagiti rumbeng a maikkan iti hustisia, ngem saan a direkta daytoy a panangtulong iti ICC.
Nupay ti ICC ti nagkiddaw, kinuna ni Castro a prioridad ti gobierno a tulongan dagiti Filipino nga agkasapulan iti pannakasalaknib ken legal a suporta.
Kasapulan ti natibker ken nainkalintegan a pagtaktakderan iti parikut iti WPS --NMC
Idi nasaludsod no adda pammalubos ni Presidente Marcos iti tignay ti DOJ, kinuna ni Castro a kayat ti presidente a maikkan iti hustisia dagiti biktima ti drug war ti naglabas nga administrasion. (Argyll Cyrus Geducos/Manila Bulletin//Lito Hilidon/Bannawag)
