Iti laksid ti limitado a rekursos, inaprobaran ti Development Budget Coordination Committee (DBCC) ti maibilang a kadakkelan iti rekord a badiet para iti 2026 nga aggatad iti ₱6.79 a trilion, a mangipamaysa iti social services.
Suportaran ti nasao a badiet ti pannakaipaay kadagiti taraon ken masapsapul ken serbisio iti publiko iti laksid ti manamnama a panagbaba ti domestic growth, a gapuanan ti parikut a pinataud ti gubat ti Israel ken Iran, ken dagiti taripa nga impakat ti Estados Unidos.
Segun iti datos, 7.4 a porsiento ti ngimmatuan ti nailian a badiet ita a tawen (2025) nga aggatad laeng iti ₱6.32 a trilion. Katukad daytoy ti 22 a porsiento ti economic output ti pagilian.
Segun ken ni Sekretario ti Department of Budget and Management (DBM) Amenah F. Pangandaman, a daulo ti DBCC, idi Hunio 27, ipangruna ti nailian a badiet para iti fiscal year (FY) 2026 ti human capital development babaen ti panangipangpangruna iti panagpuonan iti de kalidad nga edukasion, panangsaluad iti salun-at, ken panangpapigsa iti workforce.
Kasapulan ti natibker ken nainkalintegan a pagtaktakderan iti parikut iti WPS --NMC
Kinuna ti DBM a manamnama a maidatagda iti maika-20 a kongreso ti singasing a National Expenditure Program (NEP) para iti 2026. (Derco Rosal/Manila Bulletin//Lito Hilidon/Bannawag)
