Inlibak ni Bise Presidente Sara Duterte dagiti report a nagkiddaw ni dati a presidente Rodrigo Duterte iti interim release iti Australia mainaig iti panangbista ti International Criminal Court (ICC) iti kasona a crimes against humanity mainaig iti war on drugs bayat ti kinapresidentena.
Inlawlawag ti bise presidente idi Hunio 27 a saan nga immasideg dagiti abogado ti amana iti Australia a nakisarita maipapan iti interim release daytoy.
Innayon ni Duterte a saan a nagkiddaw ti amana iti interim release daytoy iti Australia.
Kinuna daytoy ni Duterte kalpasan a nagwaras ti maipagarup nga email manipud iti maysa nga opisial ti Department of Foreign Affairs and Trade ti Australia mainaig iti kaso iti ICC.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Segun ken ni Duterte, nupay nangidatag dagiti abogado ti amana iti dokumento a mangdakdakmat iti dua a pagilian a mabalin a mangawat kenkuana no mapatgan ti interim release, saan a karaman ditoy ti Australia.
Itay kallabes, napan ni Duterte iti Australia tapno tumabuno iti “Free Duterte Now” rally a naangay iti Melbourne. (Argyll Cyrus Geducos/Manila Bulletin//Lito Hilidon/Bannawag)
