Pinatalgedan ti Comelec en banc ti pangngeddeng ti Comelec second division a nangideklarar ken ni outgoing Manila 6th district Rep. Bienvenido Benny Abante Jr. a kas nangabak a kameng ti Kamara a mangibagi iti maikanem a distrito ti Manila.
Iti maysa a resolusion idi Hunio 30, saan a pinatgan ti Comelec en banc ti motion for reconsideration nga indatag ni Luis Joey Chua Uy.
Maipalagip a pinatgan ti second division ti petision ni Abante a nagkiddaw a masuspenso koma wenno maibabawi ti pannakaiproklamar ni Uy.
Segun iti Comelec, awan bileg ti pannakaiproklamar ni Uy a kas nabotosan a kameng ti Kamara para iti 6th district ti Manila. Binilinda dagiti Board of Canvassers ti Manila nga ag-reconvene tapno iproklamarda ni Abante, ti kakaisuna a kualipikado a kandidato, kas nabotosan a kameng ti Kamara para iti 6th district ti Manila.
Kasapulan ti natibker ken nainkalintegan a pagtaktakderan iti parikut iti WPS --NMC
Iti indatag ni Uy a motion for reconsideration, dinakamatna ti kaso ni Mangudadatu v. Comelec a nangilaksid iti second placer rule gapu ta awan ti legal a pagibasaran iti daytoy.
Ngem kinuna ti COmelec en banc a saan pay a pinal ti dinakamat ni Uy a kaso, ket ania man a panangilaksid iti daytoy a linteg ket mangrugi laeng no nagbalinen a pinal daytoy. (Dhel Nazario/Manila Bulletin//Lito Hilidon/Bannawag)
