Patien ni Senador Joel Villanueva a ni Senador Francis "Chiz" Escudero latta ti agpaay a kas Senate President iti maika-20 a Kongreso.
"No maaramid itan ti panagbobotos, agtalinaed ni Chiz Escudero a kas presidente ti Senado," kinuna ni Villanueva idi Hunio 30.
Segun ken ni Villanueva, adun ti nakasaritana a senador a paset ti maika-20 a Kongreso a nangyebkas iti panangsuportarda ken ni Escudero.
Patien ni Villanueva nga adda umdas a botos a mangsuportar iti kinapresidente ni Escudero, ngem dina impalgak ti eksakto a bilangda.
Barko a RORO nga addaan nasurok a 300 a pasahero, limned iti Basilan
Nupay kasta, kinuna ni Villanueva a dina la ammo no agbaliw pay ti kapanunotan dagiti nakapatangna a senador nga agkunkuna a suportaranda ni Escudero.
Iti sabali a bangir, inyebkas ni Senador Erwin Tulfo a ni Escudero ti suportaranda ken ni kabsatna a Senador Raffy Tulfo. (Dhel Nazario/Manila Bulletin//Lito Hilidon/Bannawag)
