Namnamaen ti lead counsel ni dati a presidente Rodrigo Duterte a desisionan ti International Criminal Court (ICC) ti kiddawda nga interim release iti las-ud ti makabulan.
Kinuna ni Nicholas Kaufman, abogado ni Duterte, iti maysa nga interbiu idi Hunio 30, a segun iti Rome Statute, rumbeng a desisionan dagiti ukom ti kiddaw nga interim release iti kabiitan a panawen.
Impalgak ni Kaufman ti gandatnda nga agkiddaw iti Korte a palubosanda koma ti depensa a mangsungbat iti indatag ti prosekusion a sungbat iti kiddawda nga interim release kalpasan a dinakamat ti prosekusion ti sumagmamano nga argumento iti panangikalinteganda a di rumbeng a patgan ti ICC ti interim release ni Duterte.
Impaganetget ni Kaufman ti immuna nga imbagana a saan a sinupiat ti prosekusion ti kiddaw ti depensa nga interim release.
Kasapulan ti natibker ken nainkalintegan a pagtaktakderan iti parikut iti WPS --NMC
Ngem imparang ti prosekusion iti argumentoda ti panangsupiatda iti interim release gapu ta binaliwan ti depensa ti di nadamakat a pagilian a pakaipanan ni Duterte no bilang mapatgan ti interim release. (Raymund Antonio/Manila Bulletin//Lito Hilidon/Bannawag)
