Posible nga agbalin a tropical depression ti Low-Pressure Area (LPA) nga adda iti daya ti Luzon iti las-ud ti 24 oras ken managanan iti “Bising,” segun iti Philippine Atmospheric, Geophysical and Astronomical Services Administration (PAGASA) ita nga aldaw, Hulio 2.
Itay 3:00 iti parbangon, nasaripatpatan ti LPA iti 200 a kilometro (km) iti daya-amianan a daya ti Casiguran, Aurora, wenno iti 235 km iti daya ti Echague, Isabela.
Segun ken ni Loriedin De la Cruz-Galicia, a weather specialist ti PAGASA, maibayog a dagus ti tropical cyclone wind signal kadagiti daya a paset ti Northern ken Central Luzon apaman nga agbalin a tropical depression ti LPA iti asideg ti kadagaan.
Nabuntog ti panaggaraw ti LPA nga umasideg iti daga, a mangpataud iti napipigsa a tudo ken panaglayus kadagiti maapektaran a lugar.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Ti LPA ti mangyeg iti bayakabak iti Ilocos Region, Cordillera Administrative Region (CAR), Cagayan Valley, ken iti probinsia ti Aurora ken Nueva Ecija.
Apektaran met ti LPA dagiti lugar iti Metro Manila, Calabarzon, Mimaropa, Bicol Region, Western Visayas, ken ti natda a paset ti Central Luzon. (Ellalyn De Vera-Ruiz/Manila Bulletin//Lito Hilidon/Bannawag)
