Saan a pinatgan ti Court of Appeals (CA) ti petition nga impila ni Katherine Cassandra Li Ong a nangkuestionar iti pannakaidarumna iti kaso a qualified human trafficking gapu iti maipagarup a pannakairamanna kadagiti illegal nga aktibidad ti Philippine offshore gaming operator (POGO) iti Central Luzon.
Iti resolusion nga impaulog ti Special 13th Division ti CA idi Hunio 25, winaswasda a dagus ti petision ni Ong gapu ta nasapa unay (premature) ti idadatagna iti CA, idinto a saan pay nangipila iti motion for reconsideration iti Department of Justice (DOJ).
Saan met nga inawat ti CA ti ibagbaga ni Ong a saan a naipaay ti due process, gapu kadagiti komento a sasawen dagiti opisial ti DOJ.
Segun iti CA, saan nga umdas a pagbatayan nga addan "pre-judgment" ti sekretario ti DOJ gapu laeng iti panangyebkasna iti panagtalekna kadagiti iturayanna.
Kasapulan ti natibker ken nainkalintegan a pagtaktakderan iti parikut iti WPS --NMC
Inlawlawag ti CA a pattapatta laeng ti panangipapan ti nagpetision nga awan ti kaes-eskan ti panangipilada iti motion for reconsideration, ket saan a nainkalintegan ti panangidatagna iti CA. (Benjamin Pulta/PNA//Lito Hilidon/Bannawag)
