Pormal nga agleppas ti "Salaknib" joint military exercise dagiti soldado a Filipino ken Amerikano inton Lunes, Hulio 7, iti probinsia ti Nueva Ecija.
Segun iti Philippine Army (PA), maaramid ti seremonia a panangserra iti headquarters ti 7th Infantry Division iti Siudad ti Palayan.
Ti 'Salaknib' nga insayangkat ti US ken Filipinas ti simbolo ti natibker a panagtinnulong, panagkumit ti dua a pagilian, ken nagkaykaysa a panggep ti panagsanay a mangpabileg iti kinatalged iti rehion ken panagtitinnulong dagiti puersa.
Ti 'Salaknib' ti mangipakita iti singgalut ti dua a pagilian sipud pay idi World War II, idi nagkaykaysa dagiti soldado nga Amerikano ken Filipino a nakiranget tapno irupirda ti wayawaya ken demokrasia. (Priam Nepomuceno/PNA//Lito Hilidon/Bannawag)
