Indatag ni Senador Christopher “Bong” Go ti gakat a ₱100 across-the-board a ngumatuan ti inaldaw a matgedan.
Inaramid daytoy ni Sen. Go kalpasan nga impalgak ti Regional Tripartite Wages and Productivity Board (RTWPB) nga inaprobaranda ti ₱50 a nayon iti inaldaw a matgedan dagiti minimum wage earner a mangmangged iti National Capital Region (NCR).
Kinuna dagiti labor group ken dadduma a mamanday-linteg a kurang ti nayon a ₱50 a mangtaming iti inaldaw a magastos dagiti gagangay a mangmangged, nangruna dagiti adda iti urban area.
Segun ken ni Go, kurang ti ₱50 no idilig iti kinangina dagiti magatgatang iti NCR.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Iti maika-19 a Kongreso, inanamongan dagiti senador ti Senate Bill No. 2534 a mangipaay iti ₱100 a ngatuan ti sueldo iti entero a pagilian. Nupay kasta, saan a naitunos daytoy iti ti Kamara a ₱200 a ngatuan ti inaldaw a sueldo. (Hannah L. Torregoza/Manila Bulletin//Lito Hilidon/Bannawag)
