Pagduaduaan ni Sekretario ti Department of National Defense (DND) Gilberto Teodoro Jr. ti panggep ti China a mangidaulo iti maysa a tulag a mamagbalin a nuclear weapon-free iti Southeast Asia.
Daytoy ti sungbat ni Teodoro iti kinuna ti foreign ministry ti China nga idauluanda ti panagpirma iti Southeast Asia Nuclear Weapon-Free Zone Treaty (SEANWFZ),
Kinuna ni Teodoro ita nga aldaw, Hulio 4, a masapul nga ipakita pay nga umuna ti China ti kinasin-aw ti panggepna babaen ti panangikkatna iti bukodna a nuklear nga armas ken agdalan iti inspeksion ti International Atomic Energy Agency (IAEA) ti United Nations, nga agpapaay a kas sangalubongan a sentro ti kooperasion iti nuklear a bambanag.
Segun iti internasional a gunglo nga Stockholm International Peace Research Institute (SIPRI), ti China ti maikatlo a pagilian nga addaan iti kaaduan a nuklear nga armas. a mapanen a 600 ita a tawen, sumaruno iti Estados Unidos nga addaan 5,177 a nuklear nga armas; ken iti Russia nga addaan iti 5,459 nuklear nga armas.
Kasapulan ti natibker ken nainkalintegan a pagtaktakderan iti parikut iti WPS --NMC
Kinuna ni Teodoro nga aginkukuna laeng ti China no awan ti maipakitana a nasayaat a panggep agsipud ta iti agdama, nakurang ti panagtalek kadakuada, saan laeng a ti Filipinas, no di ket pay ti entero a sangalubongan. (Martin Sadongdong/Manlia Bulletin//Lito Hilidon/Bannawag)
