Indatag ni International Criminal Court (ICC) Deputy Prosecutor Mame Mandiaye Niang idi Hulio 1 ti maika-11 a batch dagiti ebidensia a maibusor ken ni dati a presidente Rodrigo Duterte.
Naglaon daytoy kadagiti 1,062 nga ebidensia a naurnos iti uppat a tema: dagiti panangpapatay ti Davao Death Squad, barangay clearance operations ken pannakapapatay dagiti high-value target, modes of liability, ken dagiti contextual element.
Adda pay laeng iti pre-trial a paset ti kaso ni Duterte iti ICC, a pagsagsaganaan ti prosekutor para iti confirmation of charges, a mangitunda iti pannakabista ti kaso.
Segun iti Pre-Trial Chamber, adda nainkalintegan a pagbatayan tapno patien nga adda sungsungbatan ni Duterte kas indirect co-perpetrator kadagiti mapapati a krimen nga inaramidna iti Filipinas manipud Nobiembre 1, 2011 agingga iti Marso 16, 2019.
Kasapulan ti natibker ken nainkalintegan a pagtaktakderan iti parikut iti WPS --NMC
Masapul a makompleto ti prosekusion amin nga ebidensia nga idatagda idi Hulio 1 sakbay ti confirmation of charges a maangay inton Septiembre 23 kas imbilin ti Pre-Trial Chamber I. (Argyll Cyrus Geducos/Manila Bulletin//Lito Hilidon/Bannawag)
