Saan a pinatgan ti International Criminal Court (ICC) ti kiddaw ni dati a presidente Rodrigo Duterte a mangpadiskualipikar iti dua a hues a da Reine Adélaïde Sophie Alapini-Gansou ken María del Socorro Flores Liera.
Iti pangngeddeng ti plenary of judges idi Hulio 3 a pinirmaan ni ICC President Judge Tomoko Akane, nasarakanda nga "awan ti aktual wenno nainkalintegan a panagamak iti panangidumduma" manipud kadagiti nadakamat a hues.
Segun iti plenary of judges, patienda a dagiti nadakamat a hues ket nagtignay, iti amin a panawen, a maitunos iti hudisial nga annongen a naituding kadakuada ti Rome Statute.
Idi Mayo 12, kiniddaw dagiti abogado ni Duterte iti ICC a diskualipikarenda koma dagiti dua a hues a nangyeg idi iti pangngeddeng iti isyu ti hurisdiksion, gapu ta addan "pre-judgement" dagitoy iti kaso ni Duterte.
Maysa tonelada a pinakbet, nailuto iti Talong Festival
Sakbay daytoy, saan a pinatgan ti ICC Pre-Trial Chamber 1 ti kiddaw ni Duterte a saan a pannakairaman dagiti hues a da Alapini-Gansou ken Flores Liera. (Argyll Cyrus Geducos/Manila Bulletin//Lito Hilidon/Bannawag)
