Nagpirma da Senador Christopher “Bong” Go ken Ronald “Bato” Dela Rosa iti resolusion ni Senador Robinhood "Robin" Padilla iti Senado a mangkidkiddaw iti nadaras a pannakaisubli ni dati a presidente Rodrigo Duterte iti Filipinas.
Ti resolusion, a panggep pay laeng nga ipila ni Sen. Padilla iti maika-20 a Kongreso, ti manggutigot iti gobierno ti Filipinas a pasublienda ni Duterte iti pagilian.
Segun ken ni Padilla, saan a maysa a singasing laeng daytoy, no di ket panangraem iti soberania ti pagilian ken iti hustisia para iti dati a presidente a nagserbi iti pagilian.
Nagyaman ni Padilla kadagiti dua a kakaduana iti Senado ken silulukat pay daytoy para iti asino man a mayat nga agpirma iti resolusion.
Kasapulan ti natibker ken nainkalintegan a pagtaktakderan iti parikut iti WPS --NMC
Nakaditene ita ni Duterte iti The Hague, Netherlands a naarestar idi Marso 11 iti Manila, sakbay a naipan iti sidong ti International Criminal Court (ICC) gapu iti kaso a crimes against humanity iti maipoon iti mapapati nga extrajudicial killings iti insayangkatna a war on drugs. (Hannah L. Torregoza/Manila Bulletin//Lito Hilidon/Bannawag)
