Adda manen ni Bise Presidente Sara Duterte iti The Hague, The Netherlands kalpasan ti nasurok a makabulan sipud idi naudi a panangsarungkarna ken ni dati a presidente Rodrigo Duterte.
Simmangpet ti bise presidente iti The Hague idi malem ti Hulio 5.
Iti maysa a pananakisaritana kadagiti supporter ti amana iti ruar ti Scheveningen Prison iti The Hague idi Hulio 7, imbinglay ni Sara Duterte a ti naudi a kasdi ti kakuttong ti amana ket idi sakbay a nagkasar daytoy.
"Permi a kimmuttong isuna. Diyo pay nakita a kasdiay ti kakuttongna. Kasdiay ti kakuttongna iti baro pay isuna,” kinunana, a dinakamatna a saan a makakaan a nasayaat ti amana gapu ta awan ti maidasdasar a taraon ti Filipino.
Pagalagadan iti MAIFIP mainaig iti pannakaiparit ti guarantee letter, iruar ti DOH inton Pebrero
Para ken ni Sara, nupay dakkel ti kimmuttongan ti amana, nasaysayaat daytoy ngem iti dakkel ti tian ti amana.
Impasigurado ni Sara nga iti laksid ti panagkuttong ni amangna, awan met ti agalenna nga ania man a sakit.
Naikeddeng nga agsubli ni bise presidente Duterte iti Filipinas inton Hulio 23. (Raymund Antonio/Manila Bulletin//Lito Hilidon/Bannawag)
