Umabot iti 100 a tattao a mainaig iti 20 a kompania ti mabalin a maidarum gapu iti mapapati a pannakairamanda iti agricultural smuggling iti pagilian, impakdaar ti Department of Agriculture (DA) idi Martes, Hulio 8.
Iti maysa nga interbiu, ingganetget ni DA Secretary Francisco Tiu Laurel Jr. ti tarigagayna nga adda maibalud sakbay nga agngudo ti tawen.
“Kunaentayon a suspektayo dagita, umabot iti 100 a suspek," kinunana bayat ti inspeksion ti agbalor iti ₱100 a milion a produkto ti agrikultura iti puerto ti Subic.
Nadakamat daytoy ni Laurel bayat a ngimmato iti 20 manioud iti 18 dagiti blacklisted company, a nanayonan iti dua a consignee manipud iti nabiit pay nga operasion.
Committee on Justice ti Kamara, kabaelanda a tamingen ti dua nga impeachment complaint
“Ti kakaruan ti basolna dita ket ti presidente ti tunggal maysa kadagita a kompania. No 20 a kompania dayta, adda ngarud a 20-da met,” kinuna ni Laurel.
Mairaman kadagiti posible a darum ti panaglabsing kadagiti probision ti Food Safety Act of 2013, Customs Modernization and Tariff Act, ken Anti-Agricultural Economic Sabotage Act.
Idi nasaludsod no ikonsiderar ti DA ti panagtinnulong ti gobierno ti Filipinas iti gobierno ti China, a nagtaudan ti kaaduan kadagiti naipuslit a produkto, kinuna ni Laurel a mabalin a marugian daytoy a sayangkat.
“Nasayaat nga idea dayta. mabalin nga ibagak iti embahador ti China,” kinunana.
“Masapul a talaga a kitaentayo dagiti kargamento nga aggapu iti China, nangruna dagiti manipud iti puerto ti Xiamen.”
Malaksid kadagiti nabiit pay a nabigbig a kargamento iti puerto ti Subic, naipadamag pay a naggapu iti China dagiti dadduma pay a naipuslit a produkto a nakompiskar iti Port of Manila ken iti merkado publiko ti Paco. (Stephanie Sevillano/PNA)
