Nupay awan ti nadangran a Filipino iti nakaro a layus iti Kerr County, Texas, U.S.A., sisasagana latta ti gobierno ti Filipinas a tumulong kadagiti Filipino nga agkasapulan iti tulong, kuna ti Malakanyang ita nga aldaw, Hulio 9.
Segun iti waragawag ti Philippine Consulate, awan ti naapektaran a Filipino iti dakkel a panaglayus iti Texas a nakatayanen ti 100 a tao sipud idi Hulio 8.
Kinuna ni undersecretary ti Presidential Communications Office (PCO) Claire Castro a makium-uman latta ti Philippine Consulate iti komunidad dagiti Filipino iti lugar bayat ti panagtultuloy ti layus iti Texas, ket sisasagana a tumulong no kasapulan.
Nasuroken a 100 a katao ti natay iti layus iti Texas manipud idi Hulio 4, idinto nga agtultuloy ti panangsawar dagiti search-and-rescue team kadagiti nagdinakkel a karayan, kangrunaan ti Guadalupe River, ken nagusardan iti heavy equipment a pangikkat kadagiti sinualit ti danum a kaykayo ken dadduma pay a gabat. (Argyll Cyrus Geducos/Manila Bulletin//Lito Hilidon/Bannawag)
