Inaprobaran ni Presidente Ferdinand Marcos Jr. ti singasing ti Local Water Utilities Administration (LWUA) kas sungbat kadagiti adu a reklamo iti serbisio ti danum nga ipapaay ti kompania a PrimeWater Infrastructure Corporation.
Segun ken ni undersecretary ti Presidential Communications Office (PCO) Claire Castro ita nga aldaw, Hulio 9, naadalen ni Presidente Marcos ti report ti LWUA ket inanamonganna ti rekomendasionda.
Nupay kasta, saan nga impalgak ni Castro dagiti detalye ti rekomendasion, ta masapul a tamingen pay nga umuna ti gobierno ti reklamo dagiti tao iti serbisio ti PrimeWater.
Segun iti LWUA, pampanunoten ti gobierno ti pannakawaswas dagiti joint venture agreement (JVA) ti PrimeWater ken local water district iti entero a pagilian.
Kasapulan ti natibker ken nainkalintegan a pagtaktakderan iti parikut iti WPS --NMC
Iti kallabes, nagreklamo ti sumagmamano a local government unit ken dagiti consumer gapu iti kalidad ti serbisio ti PrimeWater, a namkuatan ti gobierno a makibiang. (Darryl John Esguerra/PNA//Lito Hilidon/Bannawag)
