Dinutokan ni Presidente Ferdinand Marcos Jr. ni Dave Gomez a kas baro a sekretario ti Presidential Communications Office (PCO), a nangsukat ken ni Jay Ruiz.
Daytoy ti inwaragawag ni Undersecretary ti PCO Claire Castro iti press conference a naangay ita nga aldaw, Hulio 10.
Ni Gomez ti maikalima a sekretario ti PCO a dinutokan ni Presidente Marcos, kalpasan da Ruiz, Cesar Chavez, Cheloy Garafil, ken Trixie Cruz Angeles.
Segun ken ni Castro, dekadan ti padas ni Gomez iti journalism ken iti gobierno ken korporasion.
Bonoan, co-respondent ni Sen. Jinggoy Estrada iti kaso a plunder --DOJ
Nagpaay ni Gomez a kas senior reporter, director-general ti Philippine Information Agency, ken communications director iti PMFTC Inc.
Iti sabali a bangir, nadutokan ni Ruiz a kas kameng ti board of director ti Manila Economic Cultural Office (MECO) iti Taiwan.
Nadutokan a kas sekretario ti Department of Energy (DOE) ti agdama nga officer-in-charge ken Undersecretary a ni Sharon Garin. (Betheena Unite/Manila Bulletin//Lito Hilidon/Bannawag)
