Ipadas ti Department of Public Works and Highways (DPWH) nga usaren ti baro a teknolohia iti inhenieria tapno mapatibker dagiti pundasion ti EDSA ken mapasayat ti drainage system-na bayat a maikabassit ti pannakasinga ti trapiko.
Maipakat daytoy iti dua a proseso: iti panangpatibkerda iti base ken sub-base a layer, ken panangikabilda iti baro a running surface.
Maaramid ti panangipadas kadagiti napili a ruta a pagdaldalanan ti adu a trak iti Metro Manila tapno matulad dagiti kasasaad ti EDSA.
Mairaman iti proyekto ti panangadal iti time-and-motion tapno masukimat no kasano kabayag ti pannakatarimaan ti EDSA.
₱800 a nayon iti binulan a sueldo dagiti katulongan iti NCR, marugian inton Pebrero 7
Ad-adalen ti DPWH ti panagtrabaho iti tiempo a saan unay nga adu ti lugan tapno maksayan ti pannakasinga dagiti motorista.
Ti mapapintas a drainiage system ti manamnama a mangtaming iti panaglayus kadagiti nababa a lugar iti EDSA. (Trixee Rosel/Manila Bulletin//Lito Hilidon/Bannawag)
