Nasarakan dagiti autoridad iti Taal Lake iti Batangas ti maysa a sako a naglaon kadagiti mapapati a tultulang dagiti tao a napuoran, segun iti Department of Justice (DOJ).
Iti statement-na idi Hulio 10, kinuna ti DOJ a ti pannakaalada iti daytoy ti maysa a dakkel a balligi iti panagimbestigarda iti kaso dagiti mapukpukaw a “sabungeros” (mammallot). Agtuloy dagiti imbestigador a siaannad ken sireregta idinto a namnamaenda nga asidegen ti pannakammoda iti kinapudno ken maipaay ti hustisia iti pamilia dagiti biktima.
Kinuna ti DOJ a maipasidong dagiti linaon ti sako iti forensic examinations tapno maammuanda no tultulang ti tao dagitoy, ket no mapaneknekanda a tulang ti tao ti linaon ti sako, iwayatda ti DNA test wenno genetic testing tapno makitada no adda kapadana iti DNA iti asino man a pamilia dagiti mapukpukaw a mammallot.
Indauluan ti DOJ dagiti autoridad a nagsawar iti Taal Lake idi Huebes, Hulio 10, maibatay iti impormasion nga adda sumagmamano a bangkay dagiti mapukpukaw a mammallot a naibelleng iti Taal Lake.
Kasapulan ti natibker ken nainkalintegan a pagtaktakderan iti parikut iti WPS --NMC
Mairaman iti search team dagiti kameng ti Philippine National Police-Criminal Investigation and Detection Group (PNP-CIDG), ken ti Philippine Coast Guard (PCG). (Jeffrey Damicog/Manila Bulletin//Lito Hilidon/Bannawag)
