Isagsagana ti Department of Labor and Employment (DOLE) ken ti National Food Authority (NFA) iti Ilocos Norte ti pannakailako ti sag-₱20 kada kilo a bagas para kadagiti marginalized earner wenno bassit laeng ti matmatgedanna.
Segun ken ni Janelyn Martin, daulo ti DOLE-Ilocos Norte, madama ti koordinasion kadagiti pribado nga establisimiento para iti pannakaipatungpal ti programa ita a Hulio. Innayonna a saan pay a naammuan ti dagup a bilang dagiti benepisiario ti nasao a programa iti probinsia.
Ti masungad a pannakailako ti ₱20/kilo a bagas ket paset ti kari ni Presidente Ferdinand Marcos Jr. a mangipaay iti affordable ngem de kalidad a bagas iti agarup 15 a milion a benepisiario manipud kadagiti vulnerable sector iti entero a pagilian.
Iti biangna, kinuna ni NFA-Ilocos Norte manager Jonathan Corpuz nga ur-urayen laeng ti NFA ti go signal ti DOLE tapno marugianen ti programa.
Farm specialist iti Abra, napaltogan
Impasiguradona nga adda umdas a lebben ti NFA nga irik ken bagas para iti nasao nga inisiatiba.
Addaan ti NFA-Ilocos Norte iti total procurement target a 320,000 a sako ita a tawen, nga addaan iti buying price a ₱23/kilo. (Leilanie Adriano/PNA)
