Dawaten ti Department of Justice (DOJ) ti tulong ni Dr. Raquel Fortun, maysa nga eksperto a forensic pathologist, iti panagimbestigarda iti ania man a natda iti bangkay a naalada iti Taal Lake iti Batangas.
Daytoy ti impalgak ni Sekretario ti DOJ Jesus Crispin C. Remulla ita nga aldaw, Hulio 14.
Segun ken ni Remulla, adda iti medical furlough ni Dr. Fortun ita, ngem kanayon a tumultulong daytoy iti DOJ.
Maipapan iti damag a dagiti nairaman iti kaso dagiti mapukpukaw a "sabungeros" wenno mamallot ket nairaman met iti kaso ti extrajudicial killing idi kallabes nga administrasion, kinuna ni Remulla a dayta ti kaadaywan a mabalin a pagturongan ti panagimbestigarda, ngem masapul ti nalawlawag a panagkakanaig dagitoy.
Kasapulan ti natibker ken nainkalintegan a pagtaktakderan iti parikut iti WPS --NMC
Iti maysa nga interbiu, saan nga inkankano ni Remulla ti ibagbaga ti dadduma a "planted" dagiti mapapati a tultulang ti tao a naalada iti Taal Lake. Impasiguradona ketdi nga itultuloy ti gobierno ti kaso dagiti nagpukaw a mammallot uray saanen nga interesado dagiti pamilia ti sumagmamano a biktima. (Jeffrey Damicog/Manila Bulletin//Lito Hilidon/Bannawag)
