Nagbalinen a tropical depression ti Low-Pressure Area (LPA) iti daya ti Luzon itay 8:00 iti agsapa ita nga aldaw, Hulio 16, ket napanaganan daytoy iti "Crising,” segun iti Philippine Atmospheric, Geophysical and Astronomical Services Administration (PAGASA).
Itay 11:00 ti aldaw, adda ni Crising iti 725 a kilometro iti daya ti Virac, Catanduanes.
Mapan a 45 a kilometro tunggal oras ti kapigsa ni Crising, ken ti pugso a dumanon agingga iti 55 a kilometro tunggal oras, nga agpalaud iti kapardas a 35 a kilometro tunggal oras.
Impakdaar ti PAGASA a gapu iti tropical depression ken abagat (southwest monsoon), agtudo iti kalalainganna agingga iti napigsa iti kaaduan a paset ti pagilian.
Kasapulan ti natibker ken nainkalintegan a pagtaktakderan iti parikut iti WPS --NMC
Inton agsapa ti Biernes, Hulio 18, mabalin nga agdisso ni Crising iti Babuyan Islands, ngem no agbaliw ti turongenna, agdisso daytoy iti mainland Cagayan.
Segun iti PAGASA, mabalin pay nga agbalin a naan-anay a bagyo (tropical storm) ni Crising inton agsapa ti Huebes, Hulio 17, ken mabalin a pumigsa pay bayat ti panaglasatna iti Philippine Sea.
Posible nga agbalin ni Crising a severe tropical storm inton malem wenno rabii ti Biernes, sakbay a tuparenna ti Northern Luzon.
Ni Crising ti maikatlo a tropical cyclone a nabukel iti uneg ti Philippine Area of Responsibility ita a tawen, ken ti maikadua iti bulan ti Hulio. (Ellalyn De Vera-Ruiz/Manila Bulletin//Lito Hilidon/Bannawag)
