Iti kamaudiananna, kalpasan ti nasurok a sangapulo a tawen, impatinggan ti gobierno, babaen ti Land Transportation Office (LTO), ti arigna imposible nga aramid ti panagaramid iti minilmilion a di pay naited plaka ti lisensia para iti amin a lugan a de motor.
Nangrugi ti parikut idi 2014 gapu iti nadumaduma a rason a pakairamanan ti procuments issues, legal battles, ken logistical battles a nangriribuk iti pannakaimprenta ken pannakaiwaras kadagiti plaka.
Ti backlog wenno di naaramid a plaka a nakadanon iti nasurok a 15 a milion ket nasolbar met laengen iti napalabas a dua a tawen, idi nangrugin a pinapartak ti LTO ti produksion ti plaka.
Segun iti datos ti LTO, nakapataud daytoy iti dagup a 18,578,612 a plaka iti napalabas a dua a tawen, agraman dagiti plaka para kadagiti baro a nagatang a lugan ken replacement a plaka.
Judge ti RTC iti Nueva Vizcaya, imbilinna a maarestar, makasuan dagiti agprotprotestar kontra iti panagminas nga inaprobaran ti gobierno
Sakupen ti bilang ti 11,815,068 a plaka ti motorsiklo ken 6,763,544 (a katukad ti 3,381,772 a paris) a plaka ti lugan a de motor (kas iti kotse, van, trak, dyip, kdp.).
“Maragsakankami a mangipakaammo a nakatungpal ti LTO-tayo iti panagkumitna ken ni Presidente Ferdinand ‘Bongbong’ R. Marcos, Jr. nga awanton ti backlog kadagiti plaka ti motorsiklo ken uppat ti pilidna a lugan iti pannakadanon ti Hunio 2025,” kinuna ni acting Assistant Secretary ken hepe ti LTO Greg G. Pua iti press briefing idi Martes, Hulio 15. (Aaron Recuenco/MB)
