Imparangarang ti surbey ti Pulse Asia iti Hunio 2025 a ti implasion, weNno ti ingingina ti presio dagiti produkto, ti kangrunaan a nailian a pakaseknan dagiti Filipino, idinto nga ad-adu itan a respondent ti nagkuna a masapul a maingato ti matgedan dagiti mangmangged, no idilig kadagiti napalabas a panawen.
Impalgak ti Pulse Asia ti surbey ita nga aldaw, Hulio 17, a mangipakpakita a 62 a porsiento dagiti Filipino a nataengan ti mangibilang iti implasion a parikut a masapul a mataming a dagus, nupay bimmassit daytoy iti walo a puntos idi manipud Abril 2025.
Immadu pay ti nagkuna a pakaseknanda ti pannakaingato iti sueldo, nga addaan 50 a porsiento dagiti respondent ti nagkuna a dayta ti kangrunaan a pakaseknanda.
Dadduma pay a pakaseknan dagiti Filipino ti kinakurapay (26 a porsiento), panggedan (25 a porsiento), ken graft and corruption (24 a porsiento).
Kasapulan ti natibker ken nainkalintegan a pagtaktakderan iti parikut iti WPS --NMC
Insayangkat ti Pulse Asia Research ti June 2025 Ulat ng Bayan survey manipud Hunio 26 agingga 30, babaen ti rupanrupa a panagsaludsod kadagiti 1,200 a Filipino a nataengan nga agtawen iti 18 agpangato. (Ellalyn De Vera-Ruiz/Manila Bulletin//Lito Hilidon/Bannawag)
