Mapan a ₱53 a bilion ti pondo nga ipaay ti gobierno iti Philippine Health Insurance Corp. (PhilHealth) para iti 2026, tapno mapasayaat dagiti benepisio uray saanda nga ipangato ti kontribusion dagiti miembro.
Segun ken ni Secretary ti Department of Finance (DOF) Ralph Recto, awan ti panggep ti gobierno a nayonan ti kontribusion a bayadan dagiti miembro ti PhilHealth, ta adu ti pondo a maited iti daytoy.
Maibatay iti datos ti DOF, mapattapatta nga adda mabati a ₱348 a bilion a pondo ti PhilHealth, uray ipangatoda pay ti benepisio dagiti miembro iti 30 agingga 50 a porsiento.
"Dakkelto daytan a panagrang-ay iti serbisio ti PhilHealth," kinuna ni Recto.
Kasapulan ti natibker ken nainkalintegan a pagtaktakderan iti parikut iti WPS --NMC
Nupay kasta, kinuna ni Recto a parikut latta ti kinakurang ti ospital kadagiti probinsia, ngem tarigagayanda a papintasen ti serbisio dagiti ospital a patpatarayen ti DOH iti daytoy a tawen ken iti sumaruno a tawen.
Innayon ni Recto a ti edukasion ken salun-at ti maysa kadagiti ipangpangruna ni Presidente Marcos. (Anna Leah Gonzales/PNA//Lito Hilidon/Bannawag)
