Umadayon ni Bagyo Crising iti Northern Luzon, ngem ti nasaknap nga angin ken pimmigsa a nepnep (monsoon rains) ti mangitunda iti risgo, kinuna ti Philippine Atmospheric, Geophysical and Astronomical Services Administration (PAGASA) ita nga agsapa ti Sabado, Hulio 19.
Segun iti PAGASA, itay 5:00 iti agsapa, agtultuloy ni Crising nga agpalaud-amianan a laud iti abagatan ti China ken mabalin a rummuar iti Philippine Area of Responsibility ita nga agsapa wenno malem.
Itay 4:00 iti parbangon, nasaripatpatanda ni Crising iti 125 a kilometro iti laud-nga-amianan a laud ti Calayan, Cagayan, ken nagtalinaed ti pigsana a 85 a kilometro tunggal oras ken pugso nga agingga iti 115 a kilometro tunggal oras.
Nagtalinaed iti Tropical Cyclone Wind Signal (TCWS) No. 2 iti Batanes, dadduma a paset ti Cagayan agraman Babuyan Islands, Ilocos Norte, amianan ken sentro ti Apayao, ken ti amianan a daya a paset ti Abra. Agpigsa ti angin kadagitoy a lugar iti 62 ken 88 a kilometro tunggal oras iti las-ud ti 24 nga oras.
Adda met iti TCWS No. 1 ti adu a paset ti Luzon, a pakairamanan dagiti paset ti Isabela, Benguet, La Union, Ilocos Sur, Abra, ken ti Cordillera.
Articles of Impeachment kontra ken ni VP Duterte, dimmanonen iti plenario ti Kamara
Nupay dandani rummuaren ti bagyo, kuna ti PAGASA nga agtalinaed a marikna ti epekto daytoy ta posible nga agbalin a Severe Tropical Storm ni Crising ita nga aldaw. (Jel Santos/Manila Bulletin//Lito Hilidon/Bannawag)
