Impaulog ti Estados Unidos (US) ti 19 a porsiento a taripa iti panag-eksport ti Filipinas, a bimmaba manipud iti 20 a porsiento a plano ti US idi damo, segun ken ni US President Donald Trump kalpasan ti inawaganna a “napintas nga isasarungkar” ni Presidente Ferdinand R. Marcos Jr. iti White House.
Paset ti nagtulaganda ti zero tariff kadagiti produkto ti Amerikano a yangkatda iti Filipinas.
Impaskil ni Trump iti Truth Social account-na ita nga aldaw (Mierkoles), Hulio 23 (oras iti Filipinas) ti nabukelda a trade deal.
Maibatay iti datos ti Philippine Statistics Authority (PSA), ti US ti addaan kangatuan ti ma-eksport iti Filipinas, nga aggatad iti $1.115 a bilion wenno 15.3 a porsiento ti dagup ti mayeksport iti pagilian idi Mayo daytoy a tawen.
Kasapulan ti natibker ken nainkalintegan a pagtaktakderan iti parikut iti WPS --NMC
Pinasingkedan ni Marcos, ti umuna a daulo ti pagilian iti Southeast Asia a makasarita ni Trump iti maikadua a terminona, ti panagkadua ti Filipinas ken US, ken ibilangna daytoy a kabilgan, kasingedan, ken mapagtalkan a kadua. (Darryl John Esguerra/PNA//Lito Hilidon/Bannawag)
