Mangibaon ti Estados Unidos (US) iti crisis action team iti Filipinas tapno tumulong a mangisalakan ken mangsaranay kadagiti nasurok a 2.7 a milion a tattao nga inapektaran ti agtultuloy a napigsa a tudo ken nasaknap a panaglayus, ken dadduma pay a panagdawel ti panawen iti pagilian.
Segun ken ni Sekretario ti Department of National Defense (DND) Gilberto Teodoro, aggapu dagiti kameng ti crisis team iti United States Indo-Pacific Command (U.S. Indo-PACOM) ken mangsuportar iti Armed Forces of the Philippines (AFP) iti isayangkatda a rescue and relief operations.
Ti nakaro a layus iti Metro Manila ken iti nadumaduma a paset ti pagilian ti nangparalisa kadagiti dadduma a road network idinto a ti sumagmamano a panagreggaay ti nangbangen kadagiti dadduma a kalsada.
Kinuna ni Teodoro nga maiwaywayaten ti amin a kabaelan a lohistiko ti ahensia, ken pinaggunaydan dagiti EDCA site para iti panangiwaras iti ayuda.
Phivolcs: Bulkan Mayon, nagtalinaed nga aktibo
Kinuna ni Teodoro nga usarenda dagiti EDCA (Enhanced Defense Cooperation Agreement) site kas pagrubuatan dagiti lugan ken dadduma pay nga alikamen ti Filipinas ken US a mausar iti panagresponde iti didigra. (Aaron Recuenco/Manila Bulletin//Lito Hilidon/Bannawag)
