Opisialen a nagtalinaed ni Senador Francis “Chiz” Escudero iti akemna a kas Senate President iti pormal a panaglukat ti maika-20 a Kongreso ita nga aldaw, Hulio 28, a nakaala iti suporta ti mayoria dagiti senador.
Agdagup iti 19 a senador ti nangibotos ken ni Escudero, nga isu da Bam Aquino, Alan Peter Cayetano, Pia Cayetano, Ronald Dela Rosa, Joseph Victor "JV" Ejercito, Jinggoy Ejercito Estrada, Sherwin Gatchalian, Rodante Marcoleta, Imee Marcos, Francis "Kiko" Pangilinan, Lito Lapid, Robin Padilla, Vicente "Tito" Sotto III, Joel Villanueva, Raffy Tulfo
Erwin Tulfo, Mark Villar, ken Camille Villar.
Lima a botos met ti naala ni Senador Vicente "Tito" Sotto III kas senate president, a sinuportaran da Senador Juan Miguel "Migz" Zubiri, Loren Legarda, Panfilo Lacson, ken Risa Hontiveros.
Ni Sotto ti nainominar a kas minority leader.
Panagngato ti plete iti dyip, kdp. a PUV, inanamongan ti LTFRB
Ni Sen. Jinggoy Ejercito Estrada ti nabotosan a Senate President Pro Tempore, idinto a ni Joel Villanueva ti majority leader. (Dhel Nazario/Manila Bulletin//Lito Hilidon/Bannawag)
