Agtultuloy ti panangdutok ti Kamara kadagiti daulo ti nadumaduma a komite iti maika-20 a Kongreso.
Inwaragawag ni Majority Leader ken Ilocos Norte 1st district Rep. Sandro Marcos iti plenario idi Hulio 29 ti nagan dagiti daulo ti Committee on Ways and Means, Accounts, Good Government and Public Accountability, ken Public Information.
Ni Marikina 2nd district Rep. Miro Quimbo ti nabotosan a daulo ti Committee on Ways and Means, a mangtaming kadagiti singasing mainaig iti buis; idinto a ni Davao de Oro 1st district Rep. Maria Carmen Zamora ti nadutokan a mangidaulo iti Committee on Accounts, a mangimaton iti kuarta ti Kamara.
Nagtalinaed ni Manila 3rd district Rep. Joel Chua a kas daulo ti Committee on Good Government and Public Accountability, a katukad ti Blue Ribbon Committee ti Senado.
Senado, pinasingkedanna ti ₱6.793-trilion a nailian a badiet para 2026
Maipalagip a dagiti natakuatan ti Committee on Good Government and Public Accountability iti maika-19 a Kongreso ti nausar tapno mabukel ti impeachment complaint kontra ken ni Bise Presidente Sara Duterte.
Ni met Cagayan de Oro 1st district Rep. Lordan Sua ti "Young Guns" bloc ti Kamara, ti mangidaulo iti Committee on Public Information.
Pinasingkedan ni Deputy Speaker ken Iloilo 1st district Rep. Janette Garin ti pannakadutok da Quimbo, Zamora, Chua, ken Suan. (Ellson Quismorio/Manila Bulletin//Lito Hilidon/Bannawag)
