Pimmusay ni Macrina Acenas Tamayo-Zafaralla, maikadua iti uppat a bunga da Roman Tamayo ken Corazon Acenas ti Siudad ti Alaminos, Pangasinan, iti Philippine General Hospital idi Hulio 23, 2025. Agtawen iti 79.
Maysa a doktor iti environmental science, nangisuro iti uneg ti 45 a tawen iti University of the Philippines Los Baños agingga iti panagretirona idi 2015.
Nagturpos iti UPLB a nakaawatanna iti bachelor’s and master’s degrees ken iti UP Diliman a nagturposanna iti doctorate in environmental science sakbay a nangisuro.
Inulilana ti kaingungotna, ni mannurat ti Bannawag Dr. Paul Blanco Zafaralla ti Pinili, Ilocos Norte, dati a chairman ti UPLB Department of Humanities ken UP art critic in residence, dagiti annakda a da Cherry Lyn, Manolito, Karen, Eijalin; dagiti uppat a manugangda, ken innem nga appokoda.
Nabotosan, baro nga opisial ti Ilocos Sur Provincial Capitol Press Corps
Maysa kadagiti adu a pakalaglagipan kenkuana ti panangparnuayna iti teknolohia a maawagan iti Aquatic Macrophyte Biosorption System (AMBS) a mabalin a maaramat a pangisubli ken pangpaadu kadagiti lames kadagiti waig ken karayan.
Naimassayag iti Diocesan Shrine of St. Therese of the Child Jesus iti Barangay Batong Malake in UPLB a nakaannongan ti Nasantuan a Misa para kenkuana. Naitulod ti bangkayna iti DSSTCJ idi Domingo, Hulio 27, iti ala una iti malem.
Cousin-in-law ni mannurat ti Bannawag ken Opinion Editor ti Manila Standard Honor Blanco Cabie ti pimmusay, am-ammo a kas Charity kadagiti kasingedna.
