Gapu ta immanamong ni Presidente Ferdinand Marcos Jr. a maikkat ti taripa iti napili nga importasion ti Amerika, kinuna ti Department of Finance (DOF) a mabalin nga agresulta daytoy iti pannakapukaw ti agingga iti ₱6 a bilion iti trade revenues ti pagilian.
“Ti umuna a pattapattami [para iti epekto ti zero tariffs kadagiti mapastrek] ket agarup ₱3 agingga iti ₱6 bilion iti tinawen,” kinuna ni DOF Secretary Ralph G. Recto kadagiti reporter idi Martes, Hulio 29.
Kalpasan ti nabiit pay a trade negotiation da Marcos ken US President Donald Trump, amin partuat iti US a tagilako ket zero ti taripana no sumrekda iti lokal a merkado.
Segun kadagiti nabiit pay a trade report, dagiti produkto a partuat ti Amerika nga awanan iti taripa ket pakairamanan dagiti kotse, soybeans, trigo, ken produkto a parmaseutikal. Nagkumit met ni Marcos a mangpaadu pay iti panagangkat ti pagilian kadagiti dadduma pay a tagilako ti Amerika. (Derco Rosal/MB)
