Naipaay ken ni Batangas 2nd district Rep. Gerville "Jinky Bitrics" Luistro ti akem a kas daulo ti Committee on Justice ti Kamara--ti komite a mangikeddeng no agballigi ti impeachment complaint wenno saan--iti plenary session ti maika-20 a Kongreso idi Hulio 30.
Ni Luistro ti maysa kadagiti solon-prosecutor iti kaso nga impeachment ni Bise Presidente Sara Duterte.
Limmatak ni Luistro kadagiti panagbista ti Quad-committee (quad-comm) ti Kamara gapu iti panangkastigona kada Harry Roque ken dati a presidente Rodrigo Duterte.
Ngem ti kadakkelan a dayaw a naipaay kenkuana ket ti panangdutok kenkuana ti daulo ti Kamara a kas maysa kadagiti 11 a solon-prosecutor iti kaso nga impeachment ti bise presidente.
Senado, pinasingkedanna ti ₱6.793-trilion a nailian a badiet para 2026
Adda pito nga articles of impeachment kontra ken ni Bise Presidente Duterte, a pakairamanan ti mapapati a di umisu a pannakausar ti ₱612.5 a milion a pondo. Iti biang ni Luistro, saan a nailawlawag ti bise presidente no kasano a nausar dagitoy a pondo. (Ellson Quismorio/Manila Bulletin//Lito Hilidon/Bannawag)
