Naaboten ti ₱17-trilion a marka ti kaadu ti utang ti Filipino idi Hunio, a nakadanon iti baro a kangatuan a rekord a ₱17.27 a trilion.
Segun iti kaudian a datos manipud iti Bureau of the Treasury (BTr), ti dagup nga utang ket ngimmato iti 2.1 a porsiento wenno ₱350 a bilion manipud iti bilang iti ngudo ti Mayo.
Ngem nupay nadanonnan ti ₱17-trilion a marka, kinuna ti BTr iti maysa a=a waragawag idi Mierkoles, Hulio 30, a ti bilang iti ngudo ti Hunio “ket sitatalinaed a sustainable.” Pinabasolna ti nangato a rekord nga utang iti napigsa a panagkasapulan dagiti agpupuonan kadagiti instrumento ti utang ti gobierno.
Ti domestiko a panagutang ti mangbukel iti ₱11.95 a trilion wenno 69.2 a porsiento iti dagup nga utang agingga iti ngudo ti Hunio. Immadu daytoy iti 1.4 a porsiento manipud iti bilang iti ngudo ti Mayo.
Senado, pinasingkedanna ti ₱6.793-trilion a nailian a badiet para 2026
Ti met nabati a ₱5.32 a trilion, wenno 30.8 a porsiento, ket buklen ti utang ti gobierno manipud kadagiti ganggannaet a pagutangan, nga immadu iti 3.5 a porsiento no idilig iti napalabas a bulan.
Para iti daytoy a tawen, panggep ti gobierno ti agutang a 80 a porsiento ti aggapu iti domestic creditors ken 20 a porsiento manipud kadagiti ganggannaet nga agpapautang. (Derco Rosal/MANILA BULLETIN)
