Kinuna ti Philippine Atmospheric, Geophysical and Astronomical Services Administration (PAGASA) ita a Biernes, Agosto 1, a mabalin a sumrek wenno maporma ti dua wenno tallo a tropical cyclone iti uneg ti Philippine Area of Responsibility (PAR) ita a bulan.
Maibatay kadagiti historikal a pagilasinan, kadawyan a dagiti tropikal a bagyo iti Agosto, surotenda ti maysa kadagiti uppat a dalan ti bagyo.
Agkurba ti dadduma nga agturong iti amianan wenno amianan a laud a paset ti PAR a saan nga agdisso iti kadagaan, nga agtignay nga agpa-Japan wenno Taiwan ken mabalin a mangpakaro iti southwest monsoon (abagat).
Dagiti dadduma met, agdisso iti kadagaan iti akin-amianan a pungto ti Filipinas wenno bumallasiw iti akin-amianan ken akintengnga a paset ti Luzon sakbay nga agturong iti Vietnam wenno Hong Kong.
Retirado a heneral, nakemmeg gapu iti panangsugsog a mangtippuog iti gobierno
Manipud iti alas 10 itay bigat, bambantayan ti PAGASA ti low-pressure area a masarakan iti 1,225 kilometro iti daya nga amianan a daya ti extreme Northern Luzon.
Dakkel ti tiansana a mabukel daytoy nga agbalin a tropikal a depresion iti uneg ti 24 nga oras.
No sumrek iti PAR kas tropikal a depresion, maikkan iti lokal a nagan a "Fabian."
Maibatay iti kaudian a panaganalisar, daytoy a potensial a bagyo ket mabalin nga apagbiit a sumrek iti PAR sa umakar nga agpaamianan a daya, santo rummuaren iti PAR.
Dagiti sumaruno a nagan iti listaan ti tropical cyclone ti PAGASA kalpasan ni "Fabian" ket da "Gorio" ken "Huaning." (Ellalyn De Vera-Ruiz/MANILA BULLETIN)
